Arras Baztan fundazioak balkoiak eta leihoak apaintzeko Baztan mailako II. lehiaketa antolatu du, eta herritarrak horretan parte hartzerat gonbidatzen ditu.
Loraldia – Balkoiak eta leihoak apaintzeko baztango II. lehiaketa
Helburua
Lehiaketa honen helburua da, herritarren parte hartzearen bidez, Baztango ingurumen kalitatea eta irudia hobetzea. Landareek eta loreek bizitzeko herri eder eta gozagarriagoak egitea laguntzen dutelako.
Parte hartzaileak
Lehiaketan baztandar guztiek parte hartzen ahal dute, aitzinetik izena emanda.
Oinarriak
Balkoiak edo leihoak karrikatik ikusteko moduan egon beharko dira; epaimahaiak karrikatik baloratuko baitu, etxeetarat igan gabe.
Apainketako elementuak partaide bakoitzak hautatuko ditu eta karrika, espaloi eta bizitegietako sartzeak errespetatuz paratu beharko dira.
Zintzilik edo egitura baten gainean dauden elementuak eta haizearengatik erori daitezkeen apaingarriak balkoi edo leihora ongi finkatuta egon beharko dira, oinezkoen segurtasuna arriskuan paratu gabe. Betiere, pertsona parte hartzailea izanen da elementuen erorketaren ondorioz gertatu daitezkeen kalteen arduraduna.
IZEN EMATEA
Lehiaketan izena emateko epea ekainaren 6tik 17rakoa da Hiru bide daude:
Epaimahaia
– Epaimahaia lorategigintzan edo hiri-edertze lanetan aditua den pertsona batek, Arras Baztan fundazioko ordezkari batek et Arkupeaken lorazaintza ikastaroko bi kidek osatuko dute.
– Epaimahaiak balkoi eta leihoen balorazioa epea amaitu eta ondorengo 10 egunetan eginen du, hau da ekainaren 17tik 27ra.
– Epaimahaiak hautaketa eztabaidak eta bozketak bilkuretan, ateak hetsirik eginen ditu
– Epaimahaiaren epaia ez da apelatzen ahalko.
Balorazio irizpideak
– Kanpoaldetik ikusi ahal izatea
– Konposizioaren originaltasuna eta sormena
– Apainketaren kalitatea
– Apainketaren harmonia eta diseinua
– Iraunkortasuna (espezie eta barietateak, ur kontsumoa, ongarria…)
Sariak
50€ko 6 sari banatuko dira, denak maila berekoak.
Sarien banaketa uztailaren 5ean eginen da.
Konpromisoa
Arras Baztan fundazioko patronatua telefono bidez harremanetan paratuko da irabazlearekin.
Saridunak bere identitatea (izena eta bi abizenak) eta saritutako balkoi edo leihoaren argazkia argitaratzeko baimena ematen dio udalari. Lehiaketaren emaitzak publikoari Arras Baztan fundazioaren webgunean (www.arrasbaztan.eus) eta prentsa ohar edo idurikoen bidez emanen da.
Parte hartze hutsagatik, parte hartzaileak baimena ematen die antolatzaileei balkoi eta leihoetako argazkiak egiteko, hauen eskubide guztiak gordez eta edozein komunikabidetan argitaratzea baimenduz. Argazkia, betiere, karrikatik aterako da.
Izena emateak berekin dakar lehiaketaren oinarriak eta epaimahaikideen erabakia onartzea. Epaimahaiaren erabakia ez da apelatzen ahalko.