Baztango Udalak hainbat eragile kultural eta sozioekonomikoekin batera, ARRAS BAZTAN MARKA sortu du. Honen harira, gaur urriak 4an ostegunarekin hedabideen aurrean prentsaurrekoa egin dugu. ARRAS BAZTAN MARKA elkarlanean eginiko proiektua izan da, hori dela eta aurkezpenean markaren garapen prozesuan parte-hartu duten eragileen ordezkaritza izan da.
HIZLARIAK:
- Joseba Otondo Bikondoa – Baztango alkatea
- Mikel Alzuart Zaldain – Baztango Zaporeak elkarteko lehendakaria
- Maxux Goñi Otxandorena – Apopilo Elkarteko lehendakaria
- Itziar Luri Ekiza – Labrit Ondarea-ko ordezkaria
Ondoren, eguerdiko 12:00etan Baztango Mugarri berriaren aurkezpena izan da.
ARRAS BAZTAN MARKA, Baztango Udalak sustatutako lurralde proiektua da. Bertako eragile ekonomiko, kultural eta gizarte eragileekin batera sortutako NORTASUN MARKA. Marka honek baztandarren nortasuna barne bildu eta herritarrak elkarganatzeko tresna izateko jaio da.
ARRAS BAZTAN MARKA eta haren garapena, lehenbiziko aldiz, ezagutzeko aukera emanen zaie haraino hurbildutako hedabide guztiei.
Harremanetarako
baztan@arrasbaztan.eus // 948 210 103 // 669 919 678
