Udako Euskal Unibertsitateak nazio markagintzari buruz atzo Eibarren antolatu zuen ikastaroan, Joseba Otondo Baztango alkatea Arras Baztan markari buruz solastatu zen. Otondoren ekarpena markagintza eta lurralde garapenari buruzko izan zen, hori baita Arras Baztan markaren bereizgarria bertze marken ondoan.
Otondok atzoko saioari buruz balorazio positiboa egin du unibertsitateko irakasle, komunikazio aditu, erakunde desberdinetako ordezkari eta interesa zuen jendeen aitzinean Arras Baztan aurkezteko aukera izan zuelako, erreferentzia praktiko bezala eta, hori “Baztan bezalako komunitate ttiki batendako gauza handia da”.
